AEV-Forum

Erscht amol, weil i nei bin, mecht i mi kurz vorschtella, i bin dr Pudl Michi mit dr Nummr zwoiazwanzg. I komm zwar frisch aus Amerika riebr, bin abr eigentlich a waschechtr Augschburger aus Oberhausa. Weil do drieba abr koiner Augschburg so richtig kennt hot, hab i halt jedm vorgschwindlt, daß i aus Berlin komm. Und weil i zu alle gsagt hab „My name is Pudl, ick bin ein Berliner“ (halt so, wias dr Kennedy domols gsagt hot), hams aus mir do drieba an Pudlick gmacht und als Vornama aus meim schena Michi an Mike. Inzwischa find i o leidr mein deitscha Pass nimmr, drum loff i vorleifig no als Ausländr aufm Eis rum. Abr i denk, des wer mr bald gregelt ham und i kriag mein deitscha Pass wiedr zrick. Und davoloffa dua i eich o nimmr, weil i mi ja narrisch frei, daß i jetzt wiedr dahoim schpiela ka. Und wenns eich richtig guat gfallt, wia i schpiel, dann bleib i eich o die nägschte fuchzehn Johr erhalta. Geld brauch i fascht koins, drum bin i o net so teier. Dr Charly hot scho gsagt, di kemmr uns grad no leischta.
Jetzt freits mi, dass die meischte von eich gschrieba ham, dass i guat gschpielt hab und i hoff, daß des so bleibt.

Servus bis zum nägschta Mol
I hoff ibrigens, daß mei Schriftdeitsch dann scho wiedr bessr isch

MP22

Wißtr ibrigns, was mei Schwestr gsagt hot. An so an Schmarra hot se o no nia glesa und I soll gfälligscht des ausm Forum draußalossa, abr jetzt grad mit Fleiß

Servus

Isja sehr kreativ

immerhin hasch di vorstellt, oder!? des is doch des wichtigschte!!